Өскеменде алғаш рет триатлоннан республикалық сайыс өтеді

17-18 тамызда Өскемен қаласы өз тарихында алғаш рет триатлоннан республикалық сайыстарды қабылдайды.

Бірінші сайыс күні бірнеше жарыстар өтеді:

- U15 санатындағы спортшылар "супер-спринт" қашықтығында триатлоннан Қазақстан Республикасының Чемпионаты аясында сайысады;

- U17 санатындағы спортшылар Гундерсен жүйесі бойынша «супер-спринт» қашықтығында триатлоннан Қазақстан Республикасы Кубогының финалында сайысады;

- U19, U23 санатындағы спортшылар "супер-спринт" қашықтығында триатлоннан Қазақстан Республикасы Кубогыныың финалында сайысады;

- Elite санатындағы спортшылар "спринт" қашықтығында триатлоннан Қазақстан Республикасы Кубогы IV кезеңінің жеңімпаздарын анықтайтын болады.

Сайыс «Самрұқ-Қазына» ұлттық әл-ауқат қоры» АҚ, Қазақстан Республикасы мәдениет және спорт Министрлігінің Спорт және дене шынықтыру істері бойынша Комитетінің, Қазақстан Республикасы Ұлттық Олимпиада комитетінің, Шығыс Қазақстан облысы әкімдігінің, Өскемен қаласы әкімдігінің және BI Group компаниясының қолдауымен өткізілмек. 

Сайыс мақсаты:

- Қазақстанда триатлонды дамыту және салауатты өмір салтын насихаттау;

- қазақстандық кәсіби спортшылардың, бапкерлер мен төрешілердің біліктілігін арттыру;

- үздік спортшыларды анықтау.

Сайыс аясында кәсіби спортшылар бірнеше қашықтықтарда сынға түсетін болады:

1. Elite (16 жастан жоғары), U23 (16-23 жас) және U19 (16-19 жас) санаттары, триатлон тәртібі, қашықтық – "спринт" (750 метрге жүзу, 20 шақырым веложарыс, 5 шақырым жүгіру);

2. U17 (13-17 жас) санаты, триатлон тәртібі, қашықтық – Гундерсен жүйесі бойынша "супер-спринт" (300 метрге жүзу, 8 шақырым веложарыс, 2 шақырым жүгіру);

3. U15 (13-15 жас) санаты, триатлон тәртібі, қашықтық – "супер-спринт" (300 метрге жүзу, 8 шақырым веложарыс, 2 шақырым жүгіру).

Республикамыздың түрлі аймақтарынан келген 50-е жуық кәсіби спортшылар қатысады деп күтілуде.

"TEMIRADAM" Кубогының X кезеңі – халық арасында триатлонды дамыту мен салауатты өмір салтын насихаттау мақсатында Age Group санатындағы (әуесқой) спортшылар арасында өткізілетін ұлттық турнир.

"Спринтерлік" қашықтықтағы әуесқойлар додасы үш кезеңнен құралатын болады: 750 метрге жүзу + 20 шақырым веложарыс + 5 шақырым жүгіру

Түрлі аймақтардан келген 50-ге жуық әуесқой спортшылар қатысады деп күтілуде.

Сайыс кестесі

Анықтама

Триатлон – жүзу, веложарыс және жүгіру секілді жекелеген спорт түрлерінен құралған мультиспортивті циклдық олимпиадалық спорт түрі. Триатлон кезеңдерін спортшылар кезекпен және үзіліссіз бағындырады. Халықаралық деңгейде триатлон Халықаралық Триатлон Одағының (International Triathlon Union) ережелерімен реттеледі.