Голливуд тарихындағы ең сәтсіз фильм
Киноматографтар Disney студиясы түсірген экшн әрі әскери жанрдағы "Джон Картер" фильмін заманның ең сәтсіз фильмі деп атады.
Фильмнің режиссері Эндрю Стэнтон "Немоны іздеу барысында" және "ВАЛЛ-И" атты мультфильмдері үшін екі мәрте "Оскар" жүлдесін иемденген болатын. "Джон Картер" фильмі жарыққа 2012 жылы шықты. Басты рөлдерде Тейлор Китч, Виола Линн Коллинз бен Саманта Джейн Мортон ойнайды.
"Джон Картер" фильмінің сюжеті бойынша америкалық сарбаз Джон Картер Марс тұрғындарының еркіндігі үшін шайқасады. Фильм түсіріліміне 363,7 миллион доллардан астам қаражат жұмсалған. Бірақ, фильм әлем бойынша 284 миллион доллар көлемінде табыс тапқан. Фильмді түсіргендер шығынды азайтуға тырысты. Түрлі шегірімдерді есептеген кезде олар 136,6 миллион доллар көлемінде қаржы жоғалтқан. Нәтижесінде "Джон Картер" Голливуд тарихындағы ең сәтсіз фильм атанды.
